Thursday 30 June 2011

I´m back

Өнөөдөр би аль дивангарын авсан Мак дээрээ монгол фонд суулгууллаа. Монголоор л бичихгүй бол энэ дээр юм бичих сонирхол төрөхгүймөө.
Өөрөө фондоо нэтээс татчихым санаалсан чинь болдоггүй ээ. Тэгсэн Бодийнхон ашгүй Алимны дэлгүүр нээж, инжнаар залуу нь фонд суулгаад өгий гэхээр нь уухайн тас Макаа тэвэрч очоод л суулгуулчлаа даа. Бас болоогүй ээ 5 цаасаар. Юмтай, мэдлэгтэй хүмүүс ийм сайхан тэ.
За одоо үргэлжлүүлээд бичээд байна даа.

Tuesday 14 December 2010

ЁОЛКНЫ ПАЛААЖАА ГЭЖ...

12 сар гарвуу гүй юу манай хүүхнүүдэд шийдвэрлэх асуудлууд, сонголтууд ар араасаа ундраад эхэлнэ. Даа ялангуяа, нухацтайгаар хэдэн өдөр бодож, хэдэн шөнө зүүдэлж, найз хүүхнүүдийнхээ шкафыг бүгдий нь онгичиж, хотынхоо дэлгүүрүүдийг нэлээн хэдэн өдөр нэгд нэгэнгүй нарийвчлан самнаж байж шийдэх ёстой хамгийн чухал асуудал бол баараггүй ЁОЛКНЫ ПАЛААЖ.
Зарим нөхрүүд: Ноднингийн шинэ жилээр авсанаа өмсөөч дээ. Гоё л харагджийсышд гэж хэлж ам руугаа алгадуулваа. Ноднингийн шинэ жилээр байтугай ойрын 5 жилд өмөссөн палаажаа давтан өмсөж болохгүй гэсэн бичигдээгүй хууль бий.  Тэгээд ч ЁОЛКНЫ ПАЛААЖ сонгоноо гэдэг нь эрчүүлийн толгойноос давсан, зөвхөн хүүхнүүдийн мяндсан ухаан шаардсан нарийн, тусгай ажил юм шүү.
... би юугаа тодотгосон палааж өмсвөл гоё харагдах билээ...
...Сараагийн ноднингийнх нь палааж үнээр тансаг байсан даа. Гуйвал надад таарах болуу? яджийхад Сараа гуалиг гэж яаваа, надаа зохих ч гүй байх, гүү юутай ч гэсэн углаад үзнээ... 
...Өчигдрийн хардаг ямар тасарсан палааж байваа, яачихсан их үнэтэй эдэвдээ. Миний төсвөөс даанч хэтрээд талийсан. Бүүр болохгүй бол зээлээд ч болтугай авахаас ...
...Мөргүй бөгөөд чирсэн урт хормойтой палааж дэмий дээ. Хэдэн жилийн өмнө нарийн бичиг Цээгий даргатай аймаар  ихэмсэг таанцалж байтал Оюунаа хормой дээр нь гишгээдэхсэн чинь палааж нь шууд шувтраад ёстой жил бүхний шинэ жилээр ярьдаг шилдэг онигоо болсышд. Даргын нүд, Цээгийгийн царай одоо ч нүдэнд харагдаад байгаан хэхэхэ. Ингэхэд Оюунаа албаар гишгэсэн байх... 
...Уржигдрын Метромолынх бас л этгээд байсан шүү. Худалдагч нь манийхаа толгойг эргүүлж байгаад бас шахчих санаатай. Мээмэндээ юм чихээд чихээд дүүрэхгүй байхад чинь, тэгж ч гоомой юм хийхгүй шүү би...
...Ноднин байгууллагын “мисс Сарангоо юу өмсөөд харцуулын нүд унаад байсан билээ. Энэ жил тэрнээс ч гоё болоод очихым бол санхүүгийн хэлтсийн хөөрхөн Тэнгис миний хажуунаас салахгүй нь тодорхой ккк...
...Герман явсан дүүдээ захьдаг байжээ. Одоо ч оройтсон л доо. Эрт санахгүй энэ муу эргүү толгойг тасдаад холхон чулуудалтай билээ.
...Ингэхэд энэ жилийн моод юу билээ...
гэх мэтчилэн нарийн нягт нямбай төлөвлөсний үндсэн дээр бүгэн жил яригдах тасарсан палаажаа олно шүү дээ хө.
Эцэст нь өөр өөрийн тусгай нууц жороор бодож боловсруулсан нүүр будалт, үс засалт, аксесуараа нэмээд л нөхрийнхөө \найз залуугийнхаа\ сэтгэлд бяцхан хардалт, харамлалтыг үлдээгээд, тэр оройн “Шилдгийн шилдэг” бүсгүй байна гэдэгтээ бат итгэлтэйгээр инээмсэглэн гарч одно доо.
Байгууллагын шинэ жилээр хүүхэн бүхэн хөөрхөн болдогийн учир энээ.


Tuesday 7 December 2010

Цонхон дээрх оддыг Цагаанаад зориуллаа.

Шинэ жил болох дөхөө л... Хаа сайгүй нээх гоё гацуур мацуур... Сэтгэл хөдлөөд  бага байхдаа хийдэг байсан цасан ширхэгээ хийеүү гэсэн мартжээ. Нет гэж сайхан авдраа ухаад гоё од амархаан яаж хийхийг олж, охидтойгоо хайчлаад цонхон дээрээ наавш. Хүүхдүүд их дуртай. Яаж хийдгий нь харуулах уу?
Гялгар цаасгүй болохоороо хоолныхоо гялгар цаасаар туршсан гэжугаа. Болдог л юм байна. Хүүхдүүдэд харин амьтайхан цаас өхгүй бол хайчилбараа дэлгэх гэж ураад, тэрэндээ уурлаж зарим хүн хошуу амаа унжуулаад аргадах гэж бас л цаг авжийлээ. Цагаан цаас өгчвөл болоод л явчина. Хэт зузаан бол бас хайчилж дийлэхгүй шүү. За бөөн оршилдчилоо. Гөгширч байгаам байлгүй. Гөгширч гэснээс ойрд нуруу өвдөөд. За за юмаа хийж эхлий тэ? 
                                                                                                                                                                Тэг дөрвөлжин цаас авнаа.                                                                                                                                                                                                                                                                                                                                                                                                                                                                 

 


Тэрийгээ ингээд гурвалжилж эвхнээ.  Энийгээ дахиад 2 давтаж гурвалжилж эвхэнэ.                                                               

  




Одоо гурвалжнаа ингээд хошуулдаж эвхэнэ.  






 
 Гурвалжныхаа задгай хэсгийг ташуулдуулаад хайчилна.  Хэдий чинээ их ташуу хайчилна, төдий чинээ урт хошуутай од болдын билээ.

                                                       



Ингээд 2 талаас нь дураараа өнцөг энэ тэр гаргаал хайчилна даа. Хамгийн гол нь 1 захаас нөгөө зах хүртэл нь хайчлаад хайран ажлаа яйран болговоо.

 
 Хамгийн сүүлийн бөгөөд хамгийн амттай хэсэг нь: Дэлгэх. Тараааааа!!! Од бэлэн. Том жижиг, янз бүрээр нь үйлдвэрлээд цонхон дээрээ наагаад байж дээ. Гал тогооны цаас хэрэглэвэл болгоомжтой нээгээрэй. Амархан урагдана шүү! 
 

Marry Christmas to all!!!

Thursday 2 December 2010

Гадаа халтиргаа гулгаа, цас мөс, тас няс....

Өчигдөр ямар аймаар өдөр байваа. Хайшаа л эргэнэв түгжрээ, гулгаа.
Де Буллын хажуугаар Браухаус руу чиглээд гэрлэн дохио хүлээгээд оочерлоод зогсож байлаа. Баруунаас 1 хүүхэн оруулчаач пелийз гээд хөөрхөн дохихоор нь сайхан сэтгэлтэйм чинь за гээд орууллаа. Арын нь машиныг бас оруулсан ч яахав гээд харсан чинь хөдлөхгүийй. Зааз яасан сүрхий дүрмээ барьдаг жолооч вээ ухааны юм яриад урагшилсан чинь хажууд сууж явсан ээж инээгээд байхын. Яав гэсэн, өнөө машин чинь сайндаа ч биш, хаазлаад байдаг, дугуй нь доороо жирэлзээд л эргээд байсан, машин нь еөөөр хөдөлсөнгүй гэнээ. Энэ котоок шиг замуу хэхэ.
Зиа дараагаар нь Орчлон сургуулийн урдуур өнгөрөх гэтэл баруунаас 1 жижиг тэрэг хоншоороо зүтгүүлээд дайрахаар нь орог дээ гээд урдуураа оруулаадахсан чинь араас нь 1 том Хаймар бас дайрлаа. Даварчдын, би ч гэсэн жоохон урагшилмаар л байшд гэж үглээд зүтгэтэл нөгөө талаас аймаар том цэнхэр автуус Брррррррррррррм гээл нэлээн шахаад ирэхээр нь сүнс зайлчих шахав. 2 том юмны дунд орж гамбир болоод юүхэв гээл нөгөө Хаймараа урдуураа оруулавшдээ.
Тэгээл цаашаа мөлхсөөр багшийн дээдээр баруун тийшээгээ баахан машинуудтай багшраад л эргэсэн чинь 1р эгнээгээр зөвхөн автуусууд явна гэснээс болсонуу 1ээс эргэсэн 1 улаан машин миний урдуур бас л ухаан жолоогүй зүтгээд би тоормосоо дарсан юу байхав таррррр тар тар гэж гулгаад арай л нөгөөхийг чинь мөргөчихсөнгүй тогтов.
Тэгээд болоогүй ээ тэндээсээ зүтгэсээр талбай өнгөрөөд Энх тайваны гүүр лүү автуусны араас эргэвээ, яг л заа ингээд зам тэгширнэ дээ гэхийн алдад автуус маань зогсчдын. Баруун талаа чек чек хийсэн чинь урдаа ч ардаа ч чөлөөтэй байхаар нь азны коляааа гээл машинаа эргүүлээд хаазлаад зүтгэтэл гэнэт нөгөө автуусны чинь урдаас 1 ах булт үсрээд гараад ирдэг байшд. Би хашгирч тоормосоо дараад, ах хашгирч машины хоншоор тулж зог тусаад, гэрлэн дохио руу зангаад л гачин юм болжайгаам. Аз болоход энэ удаа машин маань гулгасангүй яг байрандаа зогсов. Үгүй бол яанаа. Уучлаарай, уучлаарай гэж амандаа үглэсээр дахин янз бүрийн юм бололгүй ашгүй гэртээ ирж санаа амрав.  Машинтай явахаас халгаад байхын, гадаа такси барихаар улаан хамарлаад, хөлөө дэвслээд зогсоно гэхээс л яс хавталзаад байхын, яамаар ч юм дээ.
Нэг ийм тэрэгтэй болдымуу.                             Халтирч гулгахгүй, ирж яваа бараанаар нь дээрэнгүй Хаймар байтугай, дэндгэр атууснууд айгаад ойртохгүй биддээ энэ чинь, айн?


Tuesday 30 November 2010

Үхрийн нүдний мафиний эрцээпт, үзэгчдийн хүсэлтээр :)


Энэ мафин хүмүүст таалагдсан болтой. Хэд хэдэн хүмүүс эрцээптээ шидээдэх гэсний дагуу шидлээ шо. 

Хэрэг болох орц:

150 г үхрийн нүд (нэрс, аньс гэх мэт жимсүүдээр бас хийж болох байхоо)
1 өндөг
80 мл ургамлын тос (Жнь: наранцэцгийн тос)
100 г саахар
150 г тараг
100 мл сүү
250 г гурил
2 ц. Халбага сода
1 чимх давс
125 г пүүдрэн саахар

 Саванд өндгөө хийж хөөсөртөл хутгаад дээрээс нь ургамлын тос, тараг, саахар, сүүгээ хийж нэгэн жигд болтол хутгана. Гурил, сода, давсаа өөр саванд хийж холиод бага багаар зуурмаг дээрээ хийж жигд зуурмаг болтол хутгана. Эцэст нь үхрийн нүдээ хийж, болгоомжтой холиод зуурмаг бэлэн. Залхуурч зуурагч машинд хийгээд хамаг сайхан жимсээ бяц дүүгүүрдвээ!!!
Зуурмагаа мафины хэвэндээ жигд цутгаад 200 °C- ийн халуун шарах шүүгээнд 20-25 минут шарна. Мафины хэвээ сайн тослох хэрэгтэй эсвэл цаасан торх хийчвэл гаргахад бүүр амар болно.
Мафинаа болсон эсэхийг мэдэхийн тулд шүдний чигчлүүрээр хатгаж үзэж болно.  Чигчлүүрт гурил наалдаж гарч ирж байвал болоогүй байгаа нь тэр. Үргэлжлүүлээд хэдэн минут шарчдын.
Мафинаа гаргаад хөргөсний дараа хэвнээс нь салгаж, пүүдрэн саахараа цацмой. 
Ингээд Guten Appetitt!!! 

Ингэхэд энэ 2 зураг хажуу тийшээ харчаадайхын. Эргүүлж хүч хүрсэнгүй. Уучилна бизээ.